اوعوا تفتكروا إن جاي أقدم نفسي ليكم؟.. لا لا .. لا ده لا يليق خالص.”
السيسي: كان المطلوب الأول قبل 2014 إن الناس تأكل بس حتى لو الدولة بدون مقومات.. لدرجة أن أهلها يفتكروا أن الناس مش عايشة فيها.. فيه حد لازم يدفع من أجل الأجيال الجديدة.. فيه حد لازم يضحي”.
طالب زعيم الانقلاب في مصر عبد الفتاح السيسي المصريين بالجوع والتضحية بالاكل والشرب من اجل التقدم والازدهار والامن.
وقال السيسي، إن اليوم وغدا إن شاء الله هنحكي حكاية بلدنا وكان فيه حوار وطني اطلقناه من السنة اللى فاتت، وقلنا نتكلم ونسمع بعدنا، والنهارده هنحيكلكوا الحكاية بتاعت مصر من 2011 لحد النهارده”. جاء ذلك خلال كلمته فى افتتاح مؤتمر حكاية وطن.
واضاف: مفيش أى بلد بتطلع لقدام غير بالاستقرار والأمن وأى حد يقولكم إنه ممكن يعمل استقرار وتنمية بطريقة تانية غير كده يا جاهل يا أحمق.
وقال: الموضوع بالنسبالى بقوله لكم كمصريين مين يمسكها مش مهم، أنا واحد منكم وأخوكم، طول ما البلد مستقرة البلد هتطلع لقدام، وإذا كانت مش مستقرة مش ممكن تطلع لقدام.
وتابع: “ربنا أراد إن اللى شاهد دلوقتى واللى شهد قبل كده يشوف نماذج موجودة لغاية دلوقتى قد يكونوا أغنى مننا لم يستقروا ولم يناموا وهل فى فرصة.. يارب يساعدهم، الكلام ده بقوله من أول ما توليت المسئولية، والناس بتستغرب أنت خايف من حاجة، أيوة 105 ملايين لو حصل حاجة لا قدر الله انتوا هتبقوا في حتة تانية خالص.
قال السيسي في كلمته بمؤتمر حكاية وطن: كل أزمة هتعملها أو تتعمل فيك هيبقى ليها تداعيات وبقول الكلام ده لكل مصري بسيط في الشارع.
وأضاف: الدولة بتدفع تمن الـ450 مليار دول من لحم الحى وأنت كمواطن عاوز تعيش وأنا معاك عاوز تربى أولادك وأنا جنبك وتشغلهم وده حقك، بس لازم نفهم الحكاية حكاية بلدنا 43 سنة وهى كده عاوزين تخرجوا منها.
وتابع: كان في 5 ملايين مصري شغالين في المشروعات أيام كورونا، وأنا بقعد مع متخصصين موجودين معانا في المسئولية وبيبقى في تواصل مع خبراء نظرائهم في الجامعات.
قال عبدالفتاح السيسي،: “في 2014 واحد قالي إنت أيقونة مصر..إنت بطل مصر أوعى تخش فى المسؤولية .. أصل بعد كده هيقطعوك، ..معقبا: ” رديت عليه وقلت له لو كان بناء الدولة هيخليهم مش يقطعوني لا كمان يموتوني، أنا هعملها وأخش”.
وأضاف السيسي خلال جلسة “الاقتصاد” في إطار مؤتمر حكاية وطن 2023،:” بفكر الدكتور معيط في 2014 وأول زيادة في تخفيض دعم الوقود في 2014 والناس قالت عمل كده ازاى؟ ويعمل كده في نفسه؟.. اوعوا تفتكروا إن جاي أقدم نفسي ليكم؟.. لا لا .. لا ده لا يليق خالص.”.
تحدث السيسي، عن شكل الموازنة العامة للدولة من عام 1980 وحتى الآن، قائلا: “ليه ظروفنا صعبة.. ظروفنا صعبة دائما.. بنقول من سنة 80 مش الهدف الدفاع عن نفسنا.. بنقرر واقع ونقول للناس إيه الحكاية.. بنقول الحكاية علشان لازم نتخلص منها”.
وأضاف السيسي، خلال كلمته في جلسة “الاقتصاد”، ضمن فعاليات مؤتمر “حكاية وطن” المقام في العاصمة الإدارية الجديدة: “لما هي دولة من سنة 80 لغاية دلوقتي دائما عندها عجز.. الدكتور معيط اتكلم في حاجات كتير أوي.. الاقتصاديين يستوعبوا الكلام ده.. بقول للمواطن ببساطة دخلي “دخل مصر وإيراد مصر”.. مش قد مصروف مصر”.
قال السيسي، إن مصر لم تستدين حتى سنة 1970، نتيجة تداعيات الحرب التي فرضت على مصر لتتجاوز أزمة الحرب والسعي في الحصول على موارد عن طريق الاستدانة، معقبا: ” يعني كان فيه واقع من الخمسينيات حتى سنة 70 والواقع تغير من 70 حتى الآن”.
أضاف السيسي خلال جلسة “الاقتصاد” في إطار مؤتمر حكاية وطن 2023، “عاوزين نشوف بلدنا في مكان تستحقه .. القلة والعوز مش مشكلة .. ولكن المشكلة أنك تقبله ومش مستعد إنك تقاتل من أجل إنهائه.. طيب اللى قبل مننا محاولوش .. لا حاولوا.. لأن الناس اللى كانت موجودة قبل كده مصريين بيحبوا بلدهم.. لكن قد يكون حجم التحدي كبير.. كتير من الناس تقول الرئيس السادات عمل السلام ومش مقدر إن الحرب كان ليها تداعيات كبيرة جدا على الدولة المصرية وصعب انها تعيش على هذا التحدي رغم وجود الدعم”.
قال السيسي، إن الدولة ظلت لسنوات عديدة تعاني من العجز متابعا: “اتوقف أمام الخط ده.. العجز موجود والسلف موجود وكان المطلوب الأول قبل 2014 إن الناس تأكل بس حتى لو الدولة بدون مقومات.. لدرجة أن أهلها يفتكروا أن الناس مش عايشة فيها.. فيه حد لازم يدفع من أجل الأجيال الجديدة.. فيه حد لازم يضحي”.
وجه السيسي، رسالة للشعب المصري، قائلا: “كلمة واحدة عاوز أقولها للناس.. ده اللى إحنا عملنا وعندكم فرصة في الانتخابات الرئاسية اللى جاية.. عندكم فرصة للتغيير.. حد يقول كده.. اه بقول كده.. الأمر كله لله.. اللي ليه حاجة ياخدها”.
ويشهد اليوم الأول جلسات مهمة تركز على محاور الاقتصاد، ويشارك فيها كبار الوزراء، حيث يحضر الدكتورة هالة السعيد وزيرة التخطيط والتنمية الاقتصادية، ودكتور محمد معيط وزير المالية، وأحمد سمير وزير التجارة والصناعة، ودكتورة رانيا المشاط وزيرة التعاون الدولي، وتتناول هذه الجلسات سياسات وبرامج الحكومة في دعم الاقتصاد المصري.
أما عن اليوم الثاني، فيشهد جلسات تركز على قطاعات الطاقة والبنية التحتية، ويشارك فيها دكتور محمد شاكر وزير الكهرباء والطاقة المتجددة، والمهندس طارق الملا وزير البترول والثروة المعدنية ويتم خلال هذه الجلسات مناقشة مشروعات قومية كبيرة وجهود تطوير البنية التحتية.
بينما يشهد اليوم الثالث والأخير جلسات تركز على مجالات السياسة الخارجية والأمن القومي، ويحضرها سامح شكري وزير الخارجية والمستشار عمر مروان وزير العدل، واللواء محمود توفيق وزير الداخلية، يتم خلال هذه الجلسات مناقشة قضايا الأمن القومي والعلاقات الدولية.
فيما يتعلق بالجلسات المخصصة للعدالة الاجتماعية والصحة تشهد حضور د خالد عبد الغفار وزير الصحة والسكان، ود نيفين القباج وزيرة التضامن الاجتماعي، وسيتم ختام الفعاليات بجلسة ختامية تجمع كبار المسؤولين لاستعراض نتائج المؤتمر والتوجهات المستقبلية للتنمية في مصر.
المصدر: اليوم السابع المصرية